أنواع دروس الفوتوشوب .. Types Photoshop tutorial

السلام عليكم ورحمه الله وبركاته

هذا الموضوع يفتر برأسي من فتره وجيزة وقلت لازم تسدحه يامويهر ..
راح أوضح انواع الدروس بالفوتوشوب .. ومنها يسهل عليك البحث عن أنواع الدروس اللي ترغبها .
يوجد انواع أساسية ثابته في الدروس مثل أسياسيات الفوتو وتأثيرات الصور والرسم وغيره .
وفيها انواع مستحدثه مدري ويش تبي مثل استخدام الباترن والخامات .. فيه بعضها نتائجها قميله
أوي .

قبل البـدء , أنصح بحكر قهوهـ من النوع المفضل لديك , وتناول معه معمول فاخر من طراز HD -15
الوكيل الحصري لهذي المعمول هو كل الثمــار , مايعمل دعاية أبداً
حتى يتسنى لك فهم الموضوع بحذافيره أنصحك بتوفر هذيه الأجواء .
وقد تحدث انبراشات بالعاميه ولغات أخرى و كلمات غير مفهومه لتوصيل المعلومه , وفي هذيه الحاله عليك التغاضي وتكمل المسيرة وكأن شئياَ لم يحدث

بسم الله , نبدأ

Basics
وتعنى دروس اساسيات الفوتوشوب , وهذي النقطة واضحه , مثل دروس ميس وسول .
يشرح فيه كيفيه التعامل مع الأدوات وشرحها , وتصادف دروسها أم شرح القوائم وأستخدامها أو
الشرح بإستخدام صوره لرسخ المعلومه أكثر .

Photo Effect
وتعنى تأثيرات الصور , عبارة عن أحضار صورة ويضيف عليها مؤثرات وإلوان .. وغالباً تكون
هالمؤثرات إساسيه بالبرنامج أي يستخدم نفس الفلاتر والمحلقات التي بالبرنامج الأصلي
وليس إضافات .. كما ذكرت غالباً , وأحياناً تكون الأضافات عباره فرش خارجيه أو غيره .

مثال

Text Effects
وتعني تأثيرات النصوص .. عباره أن تكتب كلمه وتختار نوع الخط وتضيف فرشه وفلاتر وتتلاعب بالخط .. مافيه شي محدد .. وقد تكون الفرش والفلاتر المستخدمه خارجيه وليس أساسيه بالبرنامج .. ويوجد نوع آخر وهو عباره أن تكتب الكلمه بأداءة الباث معروف (( بالخط الحر ))
ومنها تقدر تضيف صور خارجيه بالشكل التي تريد .. ممكن يسئل البعض شو المعنى أن بالخط الحر تقدر تضيف صور خارجيه على الخط .. أقولك مافيه شي معين وتقدر تضيف حتى بالخطوط التي بالبرنامج ولكن الفرق أنك لما تكتب الكلمه بأداءه الباث .. تقدر تتلاعب فيها بالمسح والتكبير والفكره اللي في رأسك تقدر تطبقها عدل لأنه الخط اللي عملته من الاساس بالامكان التلاعب فيه وأضافه الشي اللي ترغبه بطريقتك . الصور توضح أكثر

الطريقة : كتب الكلمه ودخل على خيارات اللير وعدل فيها من تحديد وإضاءه , ومن ثم استخدم فرشه الدم .

الطريقة : أستخدم فرشه خلف الكلمة وتلاعب فيها , أم المنحنيات اللي باللون الأسود عملها بأداءة البن تول , ونفس الكلمة أستخدم باترن وبعض المؤثرات .

عمل الكلمة بطريقة حلوه , أول شي رسم مربعات بإداءة Rectangle Tool بعدها شكل الأحرف باللعب بالمنحنيات وأحضر صور لأنسكاب الحليب أكثر من صورة ودمجها مع الأحرف , الخلاصه أنه كتب الكلمة وليس خط جاهز .

Special Effect

تأثيرات خاصة , وتختلف المسميات بعض المواقع تكتب Effect , وهي عبارة
عمل مؤثرات بالفلاتر والملحقات البرنامج .. مثلاً عمل شعار معين أو انفجار الماء
أو الألوان متداخله بشكل ساحر البعض منها تقدر تضيفها على
تصميم وتخرج بنتيجه كأنها تأثير ع الصورة Photo effect .

مثال

Texture & Patterns
هذا الدروس توضح طريقة أستخدام بعض الخامات في التصاميم
وطريقة عملها ..ونفس الكلام مع الباترن ولكن تأثيره اقل من الخام بكثير.
مثلاً يحضر صوره رجل وخامه على شكل غبار أو جذع شجره أو أي كان
ويبدأ يلعب بوجهه الرجل الغلبان ويخليه شكله بسم الله , ياااي يفجع > عارف أني ناعم

مثال

Drawing or Drawing Effect
الرسم او تأثيرات الرسم , طبعاً هذا علم لوحده ومافيه شي محدد
اللهم يعتمد على شيئين أساسيه هو التعامل مع أداءة البن تول بالرسم
والفرشة في التلوين .. الدروس اللي تواجهها راح يشرح بعض اسياسيات الرسم
مثلاً : كيفيه رسم العين والشعر وأبعاد الأجسام وبعض الحيوانات ..
هذا العلم أنا غاسل يدي منه .. لانه حاس مايبدع فيه إلا الرسام أو يمتلك موهب الرسم .
إذا كنت رسام وتعلمت كيفيه التعامل مع أداءة البن تول , صدقني مافيه شي برأسك
من مخيلات وخزعبلات إلا وتقدر تعملها .. البلاء اللي عنده خيال لكن مايعرف يرسم
ومايحتاج أسهب أكثر من كذا عندنا ماشاء الله تبارك الله العضو ماكنتوش شوف اعماله .
لكن الفرق أنه يستخدم القلم الضوئي بالرسم وليس البن تول والتلوين عن طريق الفوتو ..

وهذي صوره القلم الضوئي

Photo Retouch
هذا النوع ماني عارف إيش يبي , الدروس فيه مختلف
ولكن لاحظت أنه أكثر الدروس اللي فيه يخص للجنس اللطيف والتأثيرات , مثلاً عمل ظل للعين
وتلوين الشفايف ..إلخ , بصفة عامه خاص بمكياج المرأه

Photo Manipulation

التلاعب بالصورة , هالدروس هذي صرت أتابعها بالفترة الأخيره بشغف
مثلاً : يستخدم بالتصميم 10 صور , كل صوره ماهي عندي الثانيه لا شكلاً ولامضموناً
والنتيجه تحصلها خورررافية , أو مثلاً يحضر صوره وحده ولتكن رجل ويتلاعب فيها
ويخلي الرجال كأنها على شكل تمثال ونص جسمه يبغاله ترميم
والنص الأخر على شكل غبار طاير بالهواء .

طبعاً هالقسم مافيه شي محدد فيه تطبيق الخطوات ترجع للذوق والصورة .
دروسها طويله ويبغلها صبر , ما إلوم صاحب الدرس لما يختصر بالكلام بدال الصور
ومن مزايا هالدروس انك حتمر على أدوات كثيره ويمكن البعض تكون أول مره تستخدمها ,
ومنها تعرف استخدامها وأهميتها .

بعض المواقع تدمج هالدروس مع قسم Photo Effect

مثال

أما هذي دمج أكثر من صورة

النتيجة

Web Graphics

هالقسم بيخص الدروس الويب سايت , مثلاً شرح عمل بنر أو هيدر أحترافي ..

Web Layouts

أما هذا القسم يختص بالدروس تصميم واجهه للموقع .

Buttons

مخصص في دروس عمل ازرار أو أيقونات للمواقع .

هذا مافيه جعبتي , الأمثله أحضرتها من مواقع أجنبية ,
هذي اغلب انواع الدروس اللي راح تصادفها في حياتك الفوتشوبية , وإن شاء الله
أفادكم الموضوع .

ان اصبت فمن الله وان اخطأت فمن نفسي والشيطان , ومن لدية إضافة يتفضل .